Adjectives

EDIN NKYERƐKYERƐMU (ADJECTIVE)

Edin nkyerεkyerεmu yε nsεm nkorεnkorε anaa nsεm bi a yεde kyerεkyerε edin mu. Twi kasa mu no, edin nkyerεkyerεmu taa di edin asεm akyi. Sε ebia:

(a) Akonnwa ketewa (b) Onipa tentene (d) Ɔbaa kɔkɔɔ

3.1 Nkyerεkyerεmu su

1. Sε nkyerεkyerεmu wɔ baakofoɔ kabea mu a εnni nsianimu.

baakofoɔ kabea

(Akonnwa) ketewa
(Onipa) tenten/kεseε
(Ɔbaa) kɔkɔɔ (Mmaa) Nkɔkɔɔ Nkyerεkyerεmu ahodoɔ no bi nso na εdidi soɔ yi:

baakofoɔ kabea

Sini Papa

dodoɔ kabea

Asiniasini Apapa

Dodoɔ kabea

(Nkonnwa) Nketewa (Nnipa) Atenten/Akεseε

Ketekete Fitaa Dada

Nketenkete Mfitaamfitaa adada

Sε yεhwε saa nhwεsoɔ yi a, yεhunu sε nkyerεkyerεmu nam nkakuho ne nsianimu so na εnya dodoɔ kabea.

2. Sε nkyerεkyerεmu no boro asεmfua a, yεde “a” si so dua. Sε ebia: (a) Dua a esi me dan akyi no abu.

Ɔkasamu titire no ne:

“Dua no abu”. “a esi me dan akyi” yε nkyerεkyerεmu a εkyerε faako a dua no sie.

(b) Onipa a yεhyia no no yε Sɔfo.
Ɔkasamu titire no ne:
“Onipa no yε Sɔfo”.
“a yεhyia no” no kyerε onipa korɔ a yεhyia no.
3.2 Nkyerεkyerεmu a εtumi yε edin adwuma Nkyerεkyerεmu bi wɔ hɔ a etumi yε edin adwuma.

Nhwεsoɔ:

  1. Maame Birago, aniεdenfoɔ no amma sukuu.
  2. Oduro, yεn abusuapanin no kɔ kumase.
  3. Sapɔn, yεn kyerεkyerεfoɔ no ho yε ahomete.Maame Birago, Kyei ne Sapɔn yε din. Sε εnni hɔ a asεm no tɔ asom. Saa ara nso na sε yεyiyi nkyerεnkyerεmu (Aniεdenfoɔ no, yεn abusuapanin no, kyerεkyerεfoɔ no) nsεm no firi hɔ a nteaseε wɔ ɔkasamu ahodoɔ no mu.

    3.3 Nkyerεkyerεmu a yεnya firi nsεmfua foforɔ mu

    Saa ɔfa yi yεbεhwε nkyerεkyerεmu a yεtumi nya firi nsεmfua foforɔ mu.

1. Edin nsεm bi tumi de dwuma sε nkyerεkyerεmu. Sε ebia: Ohiani, Obusufoɔ,Onyansafoɔ. Sε ebia:

Adeyε

ware berε biri ε(yε) so sua dɔ

Nkyerεkyerεmu

tenten kɔkɔɔ tuntum

papa
kεseε ketewa dɔnkodɔnko

AKN231T-Morphology and Syntax

(a) Ohiani
Maame hiani no…

(b) Obusufoɔ
Papa no yε obusufoɔ.

(d) Onyansafoɔ
Abofra nyansafoɔ…

Ɛwɔm sε saa nsεm yi yε din deε nanso εrekyerεkyerε edin ahodoɔ a εne Maame, Papa ne Abofra pɔtee a yεreka ne ho asεm no mu.

Edin nsεm bi wɔ hɔ a ne nkakuho dane nkyerεkyerεmu. Nhwεsoɔ

(a) Nsuo
Nkwa no yε nsuonsuo.

(b) Nkasεe
Ɛnam no yε nkasεenkasεe.

(d) Apo
Ahwedeε no yε apoapo.

3. Yεwɔ adeyε nsεm bi a ne nnanemu tumi ma yεn nkyerεkyerεmu. Nhwεsoɔ:

3.4 Nkyerεkyerεmu diberε wɔ ɔkasamu mu

Nkyerεkyerεmu wɔ diberε ahodoɔ mmienu wɔ Twi mu.

  1. Nea εwɔ din kasasin mu (Attributive)
  2. Nea εnni din kasasin mu (predicative)
    1. Nkyerεkyerεmu a εwɔ din kasasin mu no bata edin ho pεε. Berεbi ara no edin ba na εno nso aba. Nhwεsoɔ:

    (a) Ɔbaa kɔkɔɔ no baa ha.

    (b) Dua kεseε no abu.

    Nkyerεnkyerεmu nsεm bi wɔ hɔ a saa mmara wei nko ara na εdi soɔ( Ɛbata edin asεm ho pεε).

    Nhwεsoɔ.
    Hema: Anɔpa hema.

    Ketekete: Awia ketekete Bɔne: Akwadaa bɔne. Hunu: asεm hunu.

    Ne saa nti εyε mfosoɔ wɔ ɔkasa no ho sε obi bεka sε: *Hema: Anɔpa no yε hema.

    *Ketekete: Awia no yε ketekete. *Bɔne: Akwadaa no yε bɔne. *Hunu: asεm no yε hunu.

    2. Nkyerεkyerεmu a εnni din kasasin mu no de asεmfua “yε” na εdi dwuma.

    (a) Ɔbaa no yε kɔkɔɔ. (b) Dua no yε kεseε.

    Nkyerεkyerεmu ahodoɔ a edidi soɔ yi nso ntumi mma wɔ din kasasin mu.

    Nhwεsoɔ:

Aniso: akyεdeε no yε anisɔ. Na: Sika ho yε na.
Duru: adaka yi mu yε duru. Den: Nsɔhwε yi yε den.

Ɛha nso ɔkasa no mma kwan sε yεbεnya deε edidi soɔ yi: *Aniso: akyεdeε anisɔ no

*Na: Sika na no *Duru: adaka duru no *Den: Nsɔhwε den

3. Nkyerεkyerεmu bi nso wɔ hɔ a εtumi di saa nhyehyεeε mmienu yi nyinaa so.

Nhwεsoɔ:
A (i) Maame tuntum

(ii) Maame no yε tuntum B (i) Ɛdan kεseε

(ii) Ɛdan no yε kεseε D (i) Ɔbarima tiatia

(ii) Ɔbarima no yε tiatia

Nkyerεkyerεmu Dwumadie

Nkyerεkyerεmu dwumadie ne sε εkyerεkyerε din mu ma yεhunu din pɔtee a obi reka ho asεm.

Nkyerεkyerεmu san tumi di tiri wɔ din kasasin mu. Nhwεsoɔ.

(a) (i) Akokɔ fitaa no awu (ii) Fitaa no awu (b) (i) Nnipa tenten no aba

(ii) Tenten no aba

(i) Nwoma tekewa no da hɔ. (ii) Tetewa no da hɔ.